Metal Steak (已結業)

剛剛今天晚上去過上環Metal Steak，食物質素算是可以啦，對得住個價錢。員工服務態度都唔錯，但可惜，很可惜，非常可惜，我以後都唔會再光顧，其實應更正為我以後都唔敢再光顧。事緣係我今日大約6點左右去到餐廳，當時只有我地一檯客人，由於尚有朋友未到，我地坐低咗飲住嘢等朋友，期間員工間之對話，唔好話當中的女性朋友，就算係我呢個麻甩佬都簡直覺得汗顏，佢地高談闊論不特止，那把男聲更是十個字中有九個字係粗口，修辭技巧更是極其純熟，將粗口文化發揮得淋漓盡至，完全無視我呢位客人嘅存在，可能佢地真係時運高，睇我地唔到？Metal Steak食物質素其實唔差，性價比亦高，可惜一粒老鼠屎就害了成間餐廳。