香湘辣妹 (已結業)

同事忽發奇想去食辣野，就決定去之前食過的Spicy Girl，回味其獨特的風格。今次見到餐牌上的歌名菜名已經好熟悉，爽快地點左好幾道菜。涼拌木耳爽口，涼涼地又麻麻地，幾開胃。土雞鍋都做得唔錯，雞肉每一件都好入味。唔好睇少綠綠地色果d椒，細細粒都好辣。如果雞肉再滑d就會更好。同事話想試下新野，米豆腐原來係用澱粉質做的，原則上有少少似年糕，只係軟軟滿滿質感似豆腐。撈埋醬汁，甘樣整其實都幾好食。魚三鮮聽個名唔知係咩，原來係魚的內臟共三款。同事好似好享受甘，但實在唔係我杯茶。最後，食左甘多重口味野，點左一道青茶。估唔到青菜甘好食！菜心佢地用上菜心苗，沾油不多，翠綠色的青菜入口好fresh好清甜，一百分。整體食物都算係唔錯，但價格略為高左少少。如果申請左做會員，常常幫襯就會有折扣。而當晚我同同事都有肚痛，相信餐廳要再留意一下。