影片
更多
2022-10-05
3080 瀏覽
好耐以前剛開舖一開始好食，之後先開埋尖沙咀分店，分店都好食。見咁耐無食，上兩星期突然想起食韓國野，去左尖沙咀分店食，唔錯，仲keep到水準諗住今日過嚟太古城中心睇戲，夜晚嚟太古呢間分店食，點知就瀨晒嘢！我叫返上星期食過嘅牛肋骨、生菜盤、生牛肉、海鮮煎餅同埋牛肉石頭鍋飯，另外叫埋蘆薈汁。落咗單冇耐就上咗牛肋骨同生菜，見到生菜盤上嘅蒜頭係不規則咁切嘅大粒蒜塊，同尖沙咀分店嘅蒜頭片好唔同，心諗呢間分店嘅處理方式應該都同尖沙咀好唔同。接着就上咗飲品同海鮮煎餅，即刻提個侍應唔好上個石頭鍋飯，最後先上。侍應小姐答我：「好，冇問題。」佢見我哋開始食個煎餅，佢跟手熄埋我個爐。點知過咗幾分鐘，另一個侍應上個石頭鍋飯，我哋個樣即刻大惑不解，明明剛剛先提咗你哋，之前答應我哋個小姐過返嚟，話我哋頭先講嘅時候已經整緊個飯喎，我哋真係好唔明白，如果嗰時整緊，咁你咪同我講返整緊囉，咁點解又要答應我冇問題呢？唉，我都算啦。其實我真係想淨係食餐飯，跟住就真係嚴重過分啦，佢上咗碟生牛肉，個侍應拎到埋枱就接着話幫我哋撈起佢，佢撈好咗拎過嚟同我哋講：「呢個要快啲食」我哋食開梗係知啦，即刻拎埋自己正前面諗住夾，但我一睇嚇親，點
諗住今日過嚟太古城中心睇戲，夜晚嚟太古呢間分店食，點知就瀨晒嘢！我叫返上星期食過嘅牛肋骨、生菜盤、生牛肉、海鮮煎餅同埋牛肉石頭鍋飯，另外叫埋蘆薈汁。
落咗單冇耐就上咗牛肋骨同生菜，見到生菜盤上嘅蒜頭係不規則咁切嘅大粒蒜塊，同尖沙咀分店嘅蒜頭片好唔同，心諗呢間分店嘅處理方式應該都同尖沙咀好唔同。
接着就上咗飲品同海鮮煎餅，即刻提個侍應唔好上個石頭鍋飯，最後先上。侍應小姐答我：「好，冇問題。」佢見我哋開始食個煎餅，佢跟手熄埋我個爐。
點知過咗幾分鐘，另一個侍應上個石頭鍋飯，我哋個樣即刻大惑不解，明明剛剛先提咗你哋，之前答應我哋個小姐過返嚟，話我哋頭先講嘅時候已經整緊個飯喎，我哋真係好唔明白，如果嗰時整緊，咁你咪同我講返整緊囉，咁點解又要答應我冇問題呢？
唉，我都算啦。其實我真係想淨係食餐飯，跟住就真係嚴重過分啦，佢上咗碟生牛肉，個侍應拎到埋枱就接着話幫我哋撈起佢，佢撈好咗拎過嚟同我哋講：「呢個要快啲食」
我哋食開梗係知啦，即刻拎埋自己正前面諗住夾，但我一睇嚇親，點解生牛肉下面全部都係血水浸住，唔好話我之前食嗰間分店唔係咁，我食其他韓國店都冇一間係咁。我皺着眉頭將啲生牛肉夾起放落另一個碟仔，諗住唔好再浸住啲血水，跟住快快手食啦，食咗兩啖發現好唔對路， 有微微嘅變咗嘅味道，心諗唔係喎會死人㗎喎
擺埋一邊唔敢食跟住同個小姐講你地今日嘅生牛肉好有問題喎出晒血水，小姐霸氣回應：「你擺喺隔離，梗係出血水啦！」我心諗唔係啩，你一上枱碟嘢已經俾血水浸住，我邊一度有放喺度放到出晒血水丫，好彩碟野撈好左放喺我前面時即刻影咗張相，
玩命生牛肉
41 瀏覽
1 讚好
0 留言
生牛肉和血水
31 瀏覽
0 讚好
0 留言
我就最憎啲人錯又唔認，仲想賴我r着數，我出得嚟食飯當然帶夠錢食，使鬼咁折墮要來r着數，我叫佢而家埋單，計晒所有嘢食落去，唔使取消！我出嚟係食飯，唔係想食物中毒！
玩命生牛肉
43 瀏覽
0 讚好
0 留言
張貼
