何蘭正 (已搬遷) 新店位置

一直有聽過呢間店，咁岩路過就入左去。因為疫情影響，所以無咩人。入到去佢地服務都好熱情，全晚同男友點到三道菜。包括係鑽石硯、慢煮叉燒豬油飯、同果晚既special菜龍蝦肉意大利飯。鑽石硯個蕃茄湯有好濃既白胡椒味，我鐘意個硯打左好包滿既蕃茄湯入去，食落去好有咬口。之後慢煮叉燒，係我同男友認為三道菜入邊係最好，佢個叉燒勁鬆化，唔同我地平日係出邊一盒盒買既燒味，唔肥又唔膩，必試。至於意大利飯，我覺得龍蝦係好鮮甜好彈牙，不過份量唔多，想食多小小都無。個飯煮得岩岩好，係我理想既口感，最慢意大利飯煮到硬，但呢間唔軟唔硬，加上面頭既細蔥份量多，令到飯好香口。Ps. 店員話佢地最出名係酒，但可惜身體唔好，飲唔到酒。留返下次先。