波羅密素食 (已結業)

黎到荔枝角有時都唔知搵咩野食，突然間林起D2, 見之前幾日食得咁熱氣，林住食清d，見到有間齋舖 - 波羅密素食，就入左去。入到去先知原來星期六，日無下午餐，所以散叫。佢收茶錢，所以正常都問你飲咩茶，我地叫左壺水仙，但老公飲到有陣油味......我地叫左個艇仔粥和腐皮卷～碗粥用左紅蘿白，菇，同唔知咩材料，收35蚊，貴左d。個腐皮卷，夾落去時feel 到唔脆，但估唔到食落去時裡面仲係凍冰冰，即刻叫佢換過個牛肉球。個牛肉球加左d醋，味道都ok,不過太細粒了，大過個5蚊硬幣少少，收28蚊，我覺得貴...好坦白講佢座立個個商場比較年輕，所以行既人都比較年輕，除左平日返工有可能多d人光顧。係依個情況底下，應該要做出好食既野黎吸引客人。但竟然犯了將唔應該凍冰冷既食物上枱俾客人食的低級錯誤，唉.....