影片
更多
2024-06-16
635 瀏覽
餐廳：番尋味 (觀塘)地址：觀塘開源道55號開聯工業中心A座2樓28號舖喺觀塘住咗咁多年，真喺捐窿捐罅先知原來工業區開聯工業中心有間開咗接近20年嘅茶餐廳——番尋味🍽️。雖然話就話開咗好多年，不過餐廳嘅座位同枱凳都幾乾淨同坐得舒服，同時不失一份懷舊港式味道🇭🇰。另一方面仲有好多附近嘅打工仔都會叫外賣🥡，喺度食嘢短短一個鐘已經聽到餐廳嘅外賣訂單接過唔停📞餐廳無論早餐、午餐定下午茶都有唔少選擇，粥粉麵飯樣樣齊，牛奶麥皮、特色漢堡包🍔、小窩米線、泡飯、咖喱……真喺數都數唔晒，重點喺價錢非常平民化，一個常餐有粉麵有蛋有包有嘢飲都喺$34，午餐一個粉/飯包湯連嘢飲最平都喺$46，比起出面嘅茶餐廳確實平咗啲😎✝️皇子炒飯 $51是日午餐嘅招牌炒飯，用咗叉燒、蛋白、瑤柱、帶子、蝦仁🦐、窩筍去炒，比起平時食開嘅瑤柱蛋白炒飯更加豐富，份量都真喺幾多，而且乾濕程度控制得啱啱好👍，飲埋杯茶同奶比例一流夠晒濃香嘅港式奶茶，呢個就喺我點解咁鍾意港式茶餐廳嘅原因❤️✝️自選麵餐 $34喺19款自選餸菜入邊揀咗粟米墨魚餅同生菜🥬，粉麵就叫咗讚岐烏冬(+$3)，另外仲可以轉蕃茄濃湯(+$3)，鍾意蕃茄湯嘅人可以一試，其他餸菜
地址：觀塘開源道55號開聯工業中心A座2樓28號舖
喺觀塘住咗咁多年，真喺捐窿捐罅先知原來工業區開聯工業中心有間開咗接近20年嘅茶餐廳——番尋味🍽️。
雖然話就話開咗好多年，不過餐廳嘅座位同枱凳都幾乾淨同坐得舒服，同時不失一份懷舊港式味道🇭🇰。
另一方面仲有好多附近嘅打工仔都會叫外賣🥡，喺度食嘢短短一個鐘已經聽到餐廳嘅外賣訂單接過唔停📞
餐廳無論早餐、午餐定下午茶都有唔少選擇，粥粉麵飯樣樣齊，牛奶麥皮、特色漢堡包🍔、小窩米線、泡飯、咖喱……真喺數都數唔晒，重點喺價錢非常平民化，一個常餐有粉麵有蛋有包有嘢飲都喺$34，午餐一個粉/飯包湯連嘢飲最平都喺$46，比起出面嘅茶餐廳確實平咗啲😎
✝️皇子炒飯 $51
是日午餐嘅招牌炒飯，用咗叉燒、蛋白、瑤柱、帶子、蝦仁🦐、窩筍去炒，
比起平時食開嘅瑤柱蛋白炒飯更加豐富，份量都真喺幾多，
而且乾濕程度控制得啱啱好👍，
飲埋杯茶同奶比例一流夠晒濃香嘅港式奶茶，呢個就喺我點解咁鍾意港式茶餐廳嘅原因❤️
✝️自選麵餐 $34
喺19款自選餸菜入邊揀咗粟米墨魚餅同生菜🥬，粉麵就叫咗讚岐烏冬(+$3)，
另外仲可以轉蕃茄濃湯(+$3)，鍾意蕃茄湯嘅人可以一試，其他餸菜同烏冬就正常發揮
快餐店漢堡包就食得多，番尋味嘅漢堡包你又試過未？叫咗個芝士牛肉漢堡包($31)同埋豬柳蛋漢堡包($28)🍔。
充滿芝麻香嘅麵包🥯，夾住新鮮蔬菜同滋味醬汁，配搭埋肉味出眾嘅牛肉漢堡同豬柳漢堡，仲送一杯熱飲，喺快餐店以外食漢堡包嘅另一選擇🤓
張貼
