泰出色泰國餐廳

營業中

休息中

今晚約左姑姐一家食飯，唸左好耐都唔知食咩好，最終都係決定食泰國菜。於是就搜索下酒店附近有邊間泰國餐廳選擇，最後就決定尼間「泰出色泰國餐廳」。點左几款平時去餐廳都會叫既菜式豬頸肉我腍，醃得好入味，撈埋酸辣汁同沙律菜一齊食，好開胃，但略嫌魚露加太多，偏咸。蝦餅大大件，脆卜卜，爽口彈牙，岩曬鍾意食蝦既我，啖啖肉。鳥頭魚冇泥味，加埋啲酸甜汁、肉碎、椰菜、粉絲，好醒胃。椰菜苗爽囗，加埋咸肉一齊炒，好惹味，但略嫌椰菜有少許苦澀味。雜菜煲，咸淡適中。豬手炆得好入味好腍，食落口有陣陣滷水香味。但因為炆得太耐太腍，賣相唔係太好。味道適中，咸淡得宜，但麵條炒得太濕，麵身大軟，唔夠乾身。落左好多海鮮一齊炒，食落口甜甜地總括而言，食物份量多，味道偏濃，個人認為食物煮得有點過火，導致食落口，質感不太好。