十二味 X Bamboo Bar (德己立街)

營業中

休息中

由於係中環工作，時不時都會食呢間第一次去食味道同份量都OK，於是乎join左會員可以有小小折扣。其實過左試營業期之後，都有發覺啲食物份量越來越小，但係都夠食所以冇在意。但最近一次去食酸菜魚，份量真係少到太過分，同樣一份酸菜魚，入邊魚嘅數量兩隻手數得嗮😲兩個食量正常嘅女仔，嗌左一大盆酸菜魚同主食米飯同蔥油拌麵，都完全唔夠飽...😑😑利申係晚市，正常份量原因係個號稱招牌酸菜魚，一盆湯佔85%以上，仲要係淡到得番味精嘅味道，配菜得酸菜only，冇其他，魚片又少得可憐...賣$200幾蚊真係搵笨總之好失望！冇下次！最怕啲過度擴張嘅餐廳保持唔到質素，雖然十二味已經係香港開左一段時間，但係分店數目係疫情之後明顯增長，一方面係鋪租便左，可以租更優越嘅位置擴大品牌影響力；另一方面係封關太耐，留係香港嘅大陸人同鍾意北上消費嘅香港人無處可去，只能幫襯大陸品牌嘅餐廳。想做大想擴張唔係問題，問題係做唔做到同樣嘅質素，每間分店嘅出品控制好緊要，吸引收費會員然後做差品質係好愚蠢嘅選擇，只會將一盤好嘅生意越做越窄，其實香港嘅市場好細，口碑差左可以好快玩完。見過太多前車之鑑，同你分享。