十八夢

喺呢邊做完Facial即興約咗朋友嚟呢一間嘢食，本身係random search OpenRice，見到幾靚，於是朋友就上嚟食。一入到去發現間餐廳個size都比較細，一眼能夠睇晒，但係個裝修都係有心思嘅，而佢中間會有一個好大嘅枱，上到去嘅時候就已經有一個主唱歌就喺度唱緊歌，幾好聽。因為呢係即興嘅關係啦，所以呢就唔能夠坐喺最遠近窗邊嘅位置，就坐喺啲四人枱嗰度，感覺上面呢就比較壓迫感大少少，但係影相方面呢都比較清晰同方便嘅。一打開個電子餐牌，發現呢佢一第一版係一個set嘅dinner，爭啲嚇親我依啲小資女，打開發現後便可以散嗌嘅，即刻冇咁驚，今次就叫咗佢一set $98嘅海鮮盒，一邊呢就有鮑魚啦有帶子啦仲有螺同埋幾隻蝦，亦都有一隻生蠔，估唔到都幾好食，全部嘢都好新鮮，而呢一個價錢都還可以，另外叫咗佢一個牛骨碎意大利飯，佢個味都係非常之出色個喎，加埋啲牛骨碎落去呢又有另外一個味道，總體而言都好好食，但係我個朋友就覺得個味麻麻地，已買單嘅話三個人飲埋就係大概$1500度