澳葡牛奶餐室

營業中

休息中

其實bookmark左呢一間好耐，因為睇OpenRice見到佢話有馬介休球，就一路好想嚟試。終於千里迢迢嚟到深水埗，坐低叫嘢嘅時候阿姐就同我講今日冇馬介休球唔緊要啦，見佢餐牌，仲有其他葡式名物就一次過試晒佢唔緊要啦，見佢餐牌，仲有其他葡式名物就一次過試晒佢！先來試嘅係豬扒包。下午茶40幾蚊，連薯條都幾抵食！不過塊豬扒就略嫌淡味，眼見亦都冇好似其他人叫嘅雞扒包咁大份量。唯一要讚係個包好趣好鬆軟，都勉強有澳門風味。跟住試嘅係薑汁撞奶！呢個真係好期待，因為佢門口個廚櫃陳設，真係做到好似澳門街見到嘅一樣。點知催左一輪之後，廚房先至上到碗甜品⋯心情已經差咗一節⋯不過個薑汁係優質嘅，奶香亦都夠，算係合格有餘合格有餘！最後試埋個葡國雞焗飯。佢嘅味道係OK的，椰香很足，芝士亦都好重手下，有拉絲嘅效果！不過雞同薯仔都唔多，所以只能說普普通通。成餐飯以茶餐廳嘅水準來講其實已經好好。不過有位中年阿姐落單、催單都好似有心無力咁現場人多都幾混亂下。