影片
更多
2022-06-26
4291 瀏覽
我本身好鍾意食螺螄粉，因為真係好鍾意佢獨特嘅酸辣臭（我覺得係香），但我食開嘅係一包包袋裝嘅，唔知同正宗嘅味道有咩分別。最近碌社交平台見到旺角開咗第一間螺螄粉專門店，我真係迫不及待試試正宗嘅味道係點其實黎之前都做咗唔少功課，知道餐廳6月頭先開，試業期間一定有d位要改善，所以等到宜家先黎試，點知都係搞到一肚火，永久列入黑名單，唔會再黎！首先佢真係要搞搞個輪候安排，乜指示都冇，全靠食客自律排隊，一開頭食客都冇排隊，全部散落門口，有d早到等候嘅食客開始驚個位被遲黎嘅人搶走，開始叫遲黎嘅客要排隊，先叫有返d秩序。而事實上係唔係真係非排隊不可？派飛唔得咩？宜家成條隊搞到鬼咁長，甚至擋住隔離餐廳嘅入口👎有朋友同我講返之前就係本身打算去隔離嗰間餐廳，就係被呢條長龍fake咗，以為係排呢度，搞到浪費時間另外落order嗰度又係差，首先好幾樣野都冇得order，可能lunch已經賣曬？唔清楚，反正早我一日黎嘅朋友都話佢嗰日都係冇得order。我地“好彩”，落order之前店員已經刪除冇得落嘅item，而咁啱刪除嘅item我地本身都冇打算想食。但坐我對面嗰對食客一坐低已經滿心歡喜話想食臭豆腐，而落order
其實黎之前都做咗唔少功課，知道餐廳6月頭先開，試業期間一定有d位要改善，所以等到宜家先黎試，點知都係搞到一肚火，永久列入黑名單，唔會再黎！
首先佢真係要搞搞個輪候安排，乜指示都冇，全靠食客自律排隊，一開頭食客都冇排隊，全部散落門口，有d早到等候嘅食客開始驚個位被遲黎嘅人搶走，開始叫遲黎嘅客要排隊，先叫有返d秩序。而事實上係唔係真係非排隊不可？派飛唔得咩？宜家成條隊搞到鬼咁長，甚至擋住隔離餐廳嘅入口👎有朋友同我講返之前就係本身打算去隔離嗰間餐廳，就係被呢條長龍fake咗，以為係排呢度，搞到浪費時間
另外落order嗰度又係差，首先好幾樣野都冇得order，可能lunch已經賣曬？唔清楚，反正早我一日黎嘅朋友都話佢嗰日都係冇得order。我地“好彩”，落order之前店員已經刪除冇得落嘅item，而咁啱刪除嘅item我地本身都冇打算想食。但坐我對面嗰對食客一坐低已經滿心歡喜話想食臭豆腐，而落order之前服務員又冇提點，落完先話冇👎
最火滾就係我地落完之後足足30分鐘野食都未到！老實講，我真係做足功課睇埋食評，知道佢地有時候等候時間係長d，我朋友早一日食炒螺螄粉都等咗30分鐘，所以一直冇催佢地。但見到遲黎嘅客人都有野食，而我地冇，就催催張單。點知個服務員態度勁差，聽完後粒聲唔出就行開，轉個頭畀張新嘅點餐紙我地落order。我地睇到一頭霧水，同佢講話我地30分鐘前落咗order喇，係d野食未到，佢態度勁衰，淨係話電腦冇record，我地當然不滿啦！但佢仲要勁串咁話我地嬲都冇用，宜家電腦就係冇record，仲催我地快d落單！其實電腦冇record關我地咩事？冇record就入返咯，我地有寫到點餐紙架嘛！而嗰陣店員係有同我地覆單。到底嗰陣張點餐紙去咗邊呢？呢個店員完全冇解釋，而且完全冇一絲歉意，一句唔好意思都冇，反而催返我地，服務真係差到極點！👎👎👎
嘈完後，食物10分鐘就到😑
我地叫嘅係一個招牌一個乾撈（係“乾”，唔係“幹”，唔該餐廳執執個menu，唔好咁懶直接繁簡轉換）。
網上食評話招牌嘅偏淡，我個人飲咗啖湯，反而覺得味道已經夠味，但講真，係冇層次唔香嘅鹹，仲普通過我自己平時食開嘅包裝螺螄粉。可能大家會覺得包裝嘅唔健康，但坦白講食得呢d都唔預有幾健康，配料都係醃製食品。只係有碗話碗，味道真係好普通。筍嘅味道好夠我覺得唔錯，但口感參次，我朋友有幾條食到滿口渣👎米粉嘅口感我覺得彈牙，唔錯，冇網上講嘅咁硬。炸蛋平心而論係好食嘅，索埋湯好香，唔會顯得油膩。
我自己乾撈嘅味道都好足，味道更濃，所以同我自己買包裝自己撈出黎嘅味道顯得幾乎一模一樣。但依然比唔上嘅，係配料仲少過包裝即食螺螄粉😑加嘅牛舌普普通通，口感係林身嘅，唔係平時食串燒牛舌嗰仲爽口彈牙。
脆皮鍋燒肉皮好脆，味道偏咸，好肥，啱重口味人士
總結：冇下次，服務差到咁已經係死罪，成個用餐體驗好差！我要留低第一個差評！就算撇除服務，食物質素都係好普通，唔值。螺螄粉本身係樣好普通嘅野，黎到香港就變到幾十蚊一碗，味道仲不如超市包裝嘅，包裝嘅都係20蚊一包，配料仲多d。所以諗唔到再黎嘅理由，除非真係好鍾意佢嘅加菜，但坦白講一個加炸蛋嘅招牌螺螄粉賣56，真係要好好思考下隻炸蛋係唔係值咁多錢。。。
張貼
