黑木亭居酒屋 (清風街) (已結業)

今晚早放工, 約朋友係天后食晚餐。我提議不如去黑木亭。因為之前經過見到好多人幫襯。6:00入到餐廳，我哋係第一台客。牆嘅兩邊有日式壁畫，增添左唔少日式風情。我哋叫咗以下嘅嘢：- 火龍果佛手拑態茶同藍蝶花佛手柑熊茶。呢兩杯飲品嘅冰係熊仔造型，好得意呀！兩杯茶既味道都似係柚子茶嘅味道。藍蝶花令到杯飲品嘅顏色好夢幻。- 前菜叫咗蟹肉薯仔沙律。蟹肉新鮮而且份量都算多。- 火炙左口魚邊卷。又點左我鍾意食嘅左口魚裙邊！真係好鍾意左口魚嗰種油香嫩滑。上面仲加咗啲魚子醬。加分！- 黑松露牛油野菌燒蠔. 燒蠔好大隻，呢幾種食材加埋一齊味道好夾。- 石燒厚和牛。和牛喺熱辣辣嘅石板上。客人可以根據自己喜歡嘅生熟程度決定和牛喺石板上嘅時間。和牛入口即溶，好易咬開。好味。