大川滬 (裝修中)

星期日係family day，同屋企人出左去行街順便去左間同事推薦既川滬飯店：）同事話呢度由土瓜灣搬過黎，已經幫襯左好多年～當日大概中午12點去到，人流未算多，但再過多半個鐘左右已有六七成入座！！！店主推介我哋要一客脆香青瓜作為開胃前菜～一食已經好有驚喜，爽脆既青瓜好嫩之餘又多汁～加上店家特調既醬汁酸酸甜甜又有輕輕既香辣味道，的確好適合做餐前小食醒醒胃！！！當日亦有食到川滬菜常吃既鮮肉小籠包～好欣賞呢度既小籠包外層薄而不破，內藏滿滿既湯汁，滋味滋味：）跟住我地點左兩款菜式，分別係原條糖醋魚同家母最愛既樟茶鴨～前者炸至金黃透嫩，味道酸甜，絕對係我既心水之選！！家母向來愛食樟茶鴨，呢度嘅樟茶鴨佢非常滿意～因為呢度既鴨肉熏煙得剛剛好，皮酥肉嫩，夾上蝴蝶包一齊食就更滿足！！而店員推薦既羊肉搶湯麵的確係妙絕～湯頭香濃暖胃，麵條掛湯爽彈，加上羊肉獨有既羊香，我地真係食到一滴汁都無剩低！！我地仲要左一份高力豆沙作為甜品～一份四顆，鬆軟綿密既蛋白包裹住香甜不膩既豆沙，食落一啲都唔油膩，真係好好食！！！呢度既店主同店員都好熱情又有禮貌，所以入到去食野會有種親切感，佢哋仲話平日嘅時候會有午餐同下午茶餐，價