太爺雞 (已結業)

一早聽聞此間「太爺雞」抵食，二日前打電話訂位6:30。 是日準時到達，好多人都訂左位，坐無虛席。太爺雞不錯，夠滑。桶蠔大隻，入味。茄子班腩又大煲，味道不錯。 唯一不滿的是，我們7人6:30 坐下，叫餸不久，7點都未夠，餸都未來齊，一個老闆樣子的男士就大大聲指住我們這一枱：「最快這一枱啦！這枱好快就走架啦。一食完就走啦。」我們7個人0曬嘴，吓.....半小時未到，咁快趕客！！！ 最後我們7個人，7:25就埋單離座了。 我們明白想做多幾枱客的道理，賺多個客人錢。我們明白香港租金貴，我們都不會坐好耐。 但最低限度都不好當客人面講，好明顯要你快點食，不要阻住下一枱客人。感覺好不好受！雖然食物好食抵食，但起碼俾適當的時間用膳。客人也感到舒服！