影片
更多
2023-04-07
389 瀏覽
Weekend 3點幾3大1小去到大坑，見到呢間裝修幾好雖然價錢有少少貴但都決定入去。其實一開始都OK,叫左食物之後就坐定定等左成30分鐘到…先有第一份食物到。先講一下叫左乜：見到Menu 有“for mini ones”，想問下大家係咪都係諗住比小朋友食？我哋枱個BB兩歲半，叫左份mini hot dog & fries 俾佢，其實緊嘢食半個鐘頭之後嚟到熱辣辣，本身真心覺得唔錯。熱狗BB結果冇食到，佢爸爸食咗所以唔知究竟係咩味，但係啲薯條，就算一路吹凍都唔知點解BB食到係咁喊？後尾再睇先知，原來成份薯條落晒七味粉，我以為“for mini ones”係比細路仔食，就算唔係兩歲半，細路仔嘅食物一般都唔會落七味粉掛？另外有octopus bites,hot dog之後到，嚟到熱辣辣，都唔錯嘅，不過可能係前菜所以細份少少。其實正正常常，味道唔錯。仲有嗌咗個uni brioche toast，我諗佢大概我哋到咗35至40分鐘之後嚟到，toast冇烘底，topping只有炒蛋同埋4-5塊海膽喺上面，真心要咁耐先至整到出嚟？仲要$188其實都幾貴喎⋯⋯我就嗌咗個hashbrown pancake
其實一開始都OK,叫左食物之後就坐定定等左成30分鐘到…先有第一份食物到。
先講一下叫左乜：
見到Menu 有“for mini ones”，想問下大家係咪都係諗住比小朋友食？
我哋枱個BB兩歲半，叫左份mini hot dog & fries 俾佢，其實緊嘢食半個鐘頭之後嚟到熱辣辣，本身真心覺得唔錯。熱狗BB結果冇食到，佢爸爸食咗所以唔知究竟係咩味，但係啲薯條，就算一路吹凍都唔知點解BB食到係咁喊？後尾再睇先知，原來成份薯條落晒七味粉，我以為“for mini ones”係比細路仔食，就算唔係兩歲半，細路仔嘅食物一般都唔會落七味粉掛？
另外有octopus bites,hot dog之後到，嚟到熱辣辣，都唔錯嘅，不過可能係前菜所以細份少少。其實正正常常，味道唔錯。
仲有嗌咗個uni brioche toast，我諗佢大概我哋到咗35至40分鐘之後嚟到，toast冇烘底，topping只有炒蛋同埋4-5塊海膽喺上面，真心要咁耐先至整到出嚟？仲要$188其實都幾貴喎⋯⋯
Hash brown Pancake
$148
18 瀏覽
0 讚好
0 留言
我就嗌咗個hashbrown pancake($148)，原來呢個先係終極大佬，等咗50分鐘之後先催單，但server一直都冇覆過我係發生咩事，過咗10分鐘就有得食啦，但係一嚟到已經覺得好似好燶咁。因為得呢個影咗相，所以批評長啲。我諗真係漏咗單，呢兩塊咁薄嘅薯餅，點睇都唔似要需要50分鐘去完成。上面嘅煙肉弄到好難咬開之外，呢份薯餅應該有落洋蔥，所以個面睇落燶哂咁，但係都未免太過分了吧。
一路食特登切開左左邊嗰塊影咗相。個邊邊位真心淨係食到燶味，就算加埋佢碟邊嘅Sour cream，都覺得油淋淋同埋成口燶味。
Hashbrown Pancake
$148
10 瀏覽
0 讚好
0 留言
其實間餐廳當時大概只係坐左三份一嘅人，但係我都留意到每一個人都叫咗好耐先至有得食，但係都冇去到坐咗30分鐘之後先至有嘢食上餐速度慢，個mini ones 餐原來都唔係俾細路食⋯雖然餐廳啲人望住BB喊得好犀利，我哋都唔好意思，但係如果一開始至少有講明個薯條會有七味粉或者提議分開上，我諗呢啲係可以避免到，server見到我哋嗰台有BB，唔會係諗住我哋喺個Mini ones唔係買俾佢食掛？
另外如果追咗單，其實可以過嚟交帶返究竟發生咗乜嘢事，漏咗單定係點都出句聲啊⋯⋯好似係匆忙即刻整返份野比我食，但係又燶晒咁，其實就算我食都食得好辛苦
坐咗幾乎一個鐘，其實我哋嗌嘅嘢除咗octopus bites，我都覺得係一啲好快可以上枱嘅嘢，本身諗住快啲食完可以快啲走，結果好似徒咗成個afternoon咁
張貼
