Rêveri

營業中

休息中

星期五打算同同事喺上環附近搵個地方聚下，食餐好的。上網搵到呢間新開的餐廳，個名好似法文，以為佢食法國菜，原來係食fusion日式野。再上google 搵下d食評，原來都好多5星食評，而且食物賣相都好靚。於是一行4人就book左呢間餐廳食晚餐。間餐廳位置都算方便易搵，個門面好時尚，都幾特別。入到去都好快有人招呼坐低，第一印象唔錯。晚餐食套餐，每位$1080+有7道菜，見佢選材都幾高級，有和牛，帶子，黑松露等，從menu設計到選材，都睇得出廚師的用心。每次上菜，我地幾個都係相機食先。因為每道菜賣相真係好別緻! 同埋每次餐廳d員工都會介紹返果道菜的用料同食法，呢個真係值得一讚。最令人驚喜係d食物除左有賣相，味道都非常出色。我最中意佢個Truffle Brioche，濃濃黑松露味，真係令人齒頰留香。另外佢個甜品又係值得一提，因為食完6道菜，已經好飽，都擔心食唔落個甜品，但個甜品無論質感同味道都非常清新，食完一啖就停唔到，而且好解膩。可以話令成餐飯有個完美ending。總括黎講，呢間係一間好用心的餐廳，無論食物同服務都係高水準，值得一去。希望佢地可以繼續Keep住呢個水準。