土司工坊 (荷里活廣場) (已結業)

星期五晚上去左土司工坊食野。首先你要到收銀機點餐，但唔知係人手不足定收銀果個人要兼顧埋水吧，排曬長龍，店員仲沖梗野飲，到佢沖完曬一大壺既美祿先得閒理排梗隊既人。叫左咖哩雞配印度飛餅餐，$58，只包奶茶或咖啡，如果想飲熱檸水可力美祿果啲，都要加$3，非常唔抵，茶餐廳都識同價錢啦，同埋我叫左美祿，飲完又唔覺得有咩特別。咖哩雞配印度飛餅，三個字，唔好味。得一舊雞腿，其餘既係豆卜同薯仔，兩件飛餅，熱既，不過唔脆，兩舊超厚粉團，難食到冇食曬。又貴又唔好食，份量又少，呃錢。