Pause It (已搬遷) 新店位置

有次行過呢間餐廳見佢個裝修好吸精，就約埋朋友一齊黎試。店內位唔多，好在我早黎有位，唔限時坐。裝修白色為主，好精緻，洗手間非常乾淨，舒服好坐。估唔到黑松露薯條係辣嘅，芝士同松露太少，唔係每條薯條都有，偏咸。沙律個汁都係辣，好惹味，牛油果加脆煙肉碎令成個味道同口感豐富左好多，值得推介。南瓜蟹肉意大利飯，南瓜同蟹肉都好足料，南瓜仲會保留粒粒可以食下，淨食飯都有蟹味。餐牌只有好少選擇，大部分都好食，餐具都好靚，食野之餘有視覺享受，叫左壺茶飲完會幫你加熱水，服務好好。