影片
更多
2006-11-26
9 瀏覽
尋晚逛完一輪IFC, 好自然行左去登山電梯果邊, 諗住隨便搵間食個快趣晚飯, 就早D返屋企.我男友話之前同朋友試過卑利街一間食北方餃子拉麵嘅鋪頭,覺得食物唔錯,價錢相儀,於是就走帶左我去試吓.門面比一般平民"上海鋪"光猛, 而且地方都似乎幾四正.我地叫左碗羊肉湯拉麵,山東手撕雞,白菜豬肉餃子同埋炒5菜心.先講味道,炒菜心就係普通炒菜心,無mut 特別. 手撕雞唔錯,最正係佢地用小黃瓜做配菜, 咁賣40蚊到,當然就唔可以expect 好似尖咀泰豐樓整得咁正啦. 餃子都係一般. 拿, 我主要就係想講果碗拉麵...碗麵, 其實味道都ok, 但係要我comment, 我就覺得正隆早期果碗羊熗湯拉麵仲正d. 之但係, 最仲要都唔係佢唔夠好味, 而係, 我食完第一"chu", 已經見到一隻半cm 長嘅"fly". 我必須強調, 我份人都好隨和, 唔係太過份, 我會整走隻昆蟲, 然後照食, 之前至會同番間鋪頭講. 因為我覺得, 食肆有呢d事, 真係好平常, 有時隻嘢咁啱飛過, 或者阿廚師都唔想...但係之後已經好小心咁食, 對眼仲不時"稍'住我男友隻碗, 幫佢睇住.好啦! 當我以為, 啊, 係咁啱有
我男友話之前同朋友試過卑利街一間食北方餃子拉麵嘅鋪頭,覺得食物唔錯,價錢相儀,於是就走帶左我去試吓.
門面比一般平民"上海鋪"光猛, 而且地方都似乎幾四正.
我地叫左碗羊肉湯拉麵,山東手撕雞,白菜豬肉餃子同埋炒5菜心.
先講味道,炒菜心就係普通炒菜心,無mut 特別. 手撕雞唔錯,最正係佢地用小黃瓜做配菜, 咁賣40蚊到,當然就唔可以expect 好似尖咀泰豐樓整得咁正啦. 餃子都係一般. 拿, 我主要就係想講果碗拉麵...
碗麵, 其實味道都ok, 但係要我comment, 我就覺得正隆早期果碗羊熗湯拉麵仲正d. 之但係, 最仲要都唔係佢唔夠好味, 而係, 我食完第一"chu", 已經見到一隻半cm 長嘅"fly". 我必須強調, 我份人都好隨和, 唔係太過份, 我會整走隻昆蟲, 然後照食, 之前至會同番間鋪頭講. 因為我覺得, 食肆有呢d事, 真係好平常, 有時隻嘢咁啱飛過, 或者阿廚師都唔想...但係之後已經好小心咁食, 對眼仲不時"稍'住我男友隻碗, 幫佢睇住.
好啦! 當我以為, 啊, 係咁啱有一千零一隻"fly"飛過遮. 點知,我男友食完, 我就見到佢隻碗, 有另一隻大小,品種一樣嘅"fly"浮吓浮吓
咁我想幫佢解話都唔得啦! 我地好安靜咁食埋其餘嘅食物, 跟住就埋單走啦! 我見主要serve我地個大叔都唔係話好殷勤, 都無特登同佢講啦, 我只係好"張揚"咁攤左果兩隻"flies" 出黎. 希望佢地見到, 會檢討吓啦!
好彩呢餐快趣飯好快, 我返屋企仲快, 因為已經開始肚痛...(我唔排除係psychological嘅)
張貼