享廚館

營業中

休息中

呢間印度餐廳第一次幫襯，叫咗4樣野，有2樣好食有2樣唔好食，先講好食嘅︰招牌天多里乳酪香料烤雞Tandoori Chicken半隻，味道好，無Over Cook，肉質鮮嫩夠Juicy，點埋佢個秘製醬汁味道更好，果然係招牌菜。墨西哥式雞肉芝士軟烤餅Chicken Quesadila，一份4件，個Quesadila烤得啱啱好，少少燶又唔會太燶，有炭火香味。入面D雞肉乾濕度又係啱啱好，太乾會好難食好似柴皮咁，太濕又係搞到件Quesadila濕立立出晒水奇奇怪怪咁。至於唔好食嘅就有︰Paneer Kadai︰個汁唔夠香唔夠濃，D印度芝士可能太大粒所以吸唔晒佢個醬汁嘅味道，嘥咗。Butter Naan︰呢個唔好食真係抵打，印度野D印度薄餅點可以唔掂架，估計佢係整定然後翻熱，我唔介意佢係翻熱不過翻都要翻得好D，仲有佢唔夠乾身。