Dazzling Cafe (皇室堡) (已結業)

今日同朋友去食lunch set，價錢合理，有$120嘅義大利粉餐，又或者$98嘅台式料理。但係服務態度真係一般，大部份職員都好似唔想做嘢咁，明明唔算多人等位，入面都有吉枱，但係好耐先叫一張飛。問佢哋少少嘢都黑口黑面，而且落單都有出錯，叫左3個lunch set ，只係落咗兩個，之後叫左兩個鬆餅甜品，只係嚟咗一個，另一個漏單。如果唔計服務態度，嘢食味道係的確唔錯，叫咗兩份花枝干貝意大利麵，同埋一份明太子意大利麵，最後再跟餐加$38就可以有半份鬆餅。