+886 台味飯桌仔 (已結業)

大圍舊村呢度真係好多美食，今晚就試吓呢間係積德利街嘅「+886 台味飯桌仔」。餐廳裝修簡約，文青feel。食物味道質素有驚喜，價錢都好大眾化。🍛萬巒豬腳飯 $64豬腳軟嫩入味，肉燥飯都好有水準，好好味呀！🍜紅燒牛肉麵 $68牛𦟌一啲都唔韌，湯底香味濃郁，麵彈牙，整體口感好好！🧆醬香豬耳朵 $22豬耳朵每片都切得好薄，配埋辣辣地嘅醬香味，爽口有嚼勁。🧆𣄃津黑輪片 $26黑輪片又叫甜不辣，主要由魚漿做成，食落煙煙韌韌，香口，都幾好味。🧋日式烤奶凍/日式奶綠（熱）烤奶凍烘焙味重啲，奶綠就茶味重啲，兩款各有特色，都好鍾意！