影片
更多
2021-03-08
1106 瀏覽
太耐無同同事出去搵美食，一於就試喺中環新開嘅FRITES。即日朝早訂午餐好彩有枱，不過限住一個小時內完餐交枱。12點半左右到餐廳，職員都好快安排入座。外在環境夠晒CHILL，不過對住馬路有啲食塵，好彩我哋獲安排坐返入面。餐牌及飲品牌設計精緻似本雜誌，加分。不過是日午餐的餐牌並無另印參考，食客要自己用手機掃QR CODE睇，或者方便廚部同後台會每日更新，但最終都係要托侍應落單，有啲唔方便。一行四人叫咗4個SET，每SET前菜可以跟餐湯或者沙律。同事揀咗薯仔湯，自己揀咗南瓜沙律。薯仔湯望落個色似南瓜湯咁，飲落有淡淡哋薯仔味，重芝士拉絲味道，飲晒成碗湯一啲都唔"漏"。至於南瓜沙律，菜新鮮爽脆，綿綿南瓜仲好甜，仲有啲合桃碎粒，配埋酸酸地兩小口山羊芝士好好咬口。如果淨係一大碗沙律，都會有健康客嘅巿場。主食嚟啦! 同事嘅蕃茄芝士意大利粉，聞落濃郁蕃茄香，食落去有輕淡味道，不是茄膏假甜味，有少少芝士香味混埋一齊，YUMMY! 意粉麵身軟硬度適中，並無太腍黏口或者太硬身。女仔嚟計，食晒一碟完全OK！另一同事點咗雞胸肉扒配薯菜，扒身上層有芝士番茄醬。肉扒有手掌大小尺寸，扒身唔會過厚，入口亦唔粗糙"鞋口"
12點半左右到餐廳，職員都好快安排入座。外在環境夠晒CHILL，不過對住馬路有啲食塵，好彩我哋獲安排坐返入面。
餐牌及飲品牌設計精緻似本雜誌，加分。不過是日午餐的餐牌並無另印參考，食客要自己用手機掃QR CODE睇，或者方便廚部同後台會每日更新，但最終都係要托侍應落單，有啲唔方便。
一行四人叫咗4個SET，每SET前菜可以跟餐湯或者沙律。同事揀咗薯仔湯，自己揀咗南瓜沙律。薯仔湯望落個色似南瓜湯咁，飲落有淡淡哋薯仔味，重芝士拉絲味道，飲晒成碗湯一啲都唔"漏"。至於南瓜沙律，菜新鮮爽脆，綿綿南瓜仲好甜，仲有啲合桃碎粒，配埋酸酸地兩小口山羊芝士好好咬口。如果淨係一大碗沙律，都會有健康客嘅巿場。
主食嚟啦! 同事嘅蕃茄芝士意大利粉，聞落濃郁蕃茄香，食落去有輕淡味道，不是茄膏假甜味，有少少芝士香味混埋一齊，YUMMY! 意粉麵身軟硬度適中，並無太腍黏口或者太硬身。女仔嚟計，食晒一碟完全OK！
另一同事點咗雞胸肉扒配薯菜，扒身上層有芝士番茄醬。肉扒有手掌大小尺寸，扒身唔會過厚，入口亦唔粗糙"鞋口"，有少少肉汁油份。跟埋個芝士要趁暖身食，否則芝士凝固少少後，入口會覺得無咁吸引仲會好油滯。薯條炸至金黃色，唔乾身唔硬口，食到內裡軟軟薯蓉。整體都係中上！
自己點咗青口配魚柳，賣相擺盤簡單。青口處理過，唔會有過多"足絲"，食落口唔韌身。魚柳薄身煎到好香口，亦又唔係油冧冧，亦都無鬆散，仲有啲結實，無雪味。配菜西蘭花、薯仔唔會好HEA，有少少鹽調過味，整碟都係有水準~
一人食完個SET都飽晒，下次先留肚食甜品~
張貼
