好彩海鮮酒家

營業中

休息中

星期三同男友一齊去旺角飲茶。兩點鐘上到二樓"京華"見到大排長龍，我見勢色唔對就即走。男友可能知我耐冇飲茶，於是就拖咗我上三樓間"好彩"。果然唔洗等位喎。一坐低就order 咗春卷、蝦腸、雞扎、燒賣、流沙飽和潮洲粉果。張紙啱啱比呀姐，轉頭佢竟然派下午茶點心紙。又冇攪錯，點解D呀姐唔話比人知有下午茶，咁變相咪貴咗。男友話算吧！十分鐘後D點心上枱，春卷好唔掂，好大陣油益味，失敗！蝦腸和雞扎都ok。潮洲粉果嗰皮好淋，一pat嘢咁。而個流沙飽都算唔錯。等咗好耐都唔見燒賣，叫呀姐追單，佢話:"你哋叫燒賣嘛，燒賣要蒸，係要耐D"。見佢埋去部機睇，之後返嚟又問:"碟腸粉未嚟呀！"。真係九唔搭八，明顯地之前呀姐擺明係呼衍我哋。再三解釋，呀姐再去check，最後佢話"漏單"。我跟手同呀姐話唔再要燒賣。再order男友鐘意食嘅馬拉糕和我想試嘅菠菜餃。馬拉糕比較深色，水準一般。菠菜餃同之前食嘅潮洲粉果分別不大，只不過內裹是菠菜。埋單$124。唔貴但食物和服務都一般，唔打算再幫趁。