大樹先生的家 (D2 Place TWO)

營業中

休息中

之前一路想同亞仔去大樹先生的家，聽講經常爆滿，好難訂位，見係平日，中午時膽粗粗試下walk in有無位，得左。去到門口亞仔見到個波波池已經癲左，一開門已經衝左入去玩。店員帶我們就坐後遞上menu，我和老公見亞仔在波波池玩得很開心，我地決定先叫野食。Menu顏色設計好靚。我叫左個龍蝦海鮮尖通粉，賣相不錯，上台時好香，龍蝦味十足。老公叫左個青蘋果菠菜意大利飯，個味清清地，好好食。我仲叫左杯熱朱古力，個貓貓拉花真的很可愛。餐廳收費不便宜，但環境企理，小朋友玩得開心，我同老公可以靜靜地食個飯，乜都抵番晒。