Tutto Bene Ristorante Italiano (已結業)

同男朋友起尖沙咀行街,之後佢話不如上諾士彿台睇下有咩食,行經下面有條酒吧路,發現咗間西餐,見到裡面環境唔錯都有7,8成人食野,有幾台外國人,睇下門口知menu野食唔錯就入去,因為都諗住食西餐,打開餐牌睇下食咩,叫咗個大蝦天使麪,茄汁燒雞長通粉,牛扒.我男朋友叫咗一杯啤酒,我就叫咗杯菠蘿汁.首先黎咗一籃蒜蓉包.應該每台都有,一路食蒜蓉包一路等,杯菠蘿汁係罐頭菠蘿汁😣,等咗成十分鐘,先開始黎主菜,大蝦天使麫😀唔錯,之後再黎茄汁燒雞長通粉😣,依個麻麻同有點流,食完依兩樣之前一齊叫既牛扒仲未黎,以為冇落單,再等多成十分鐘先黎,依碟牛扒真一般😣,肉質有點鞋,所有食物賣相唔錯,,但食物麻麻,只係大蝦天使麫唔錯.埋單八百幾兩人,幾貴,食物唔值依個價錢.