HOWE Cafe (已結業)

今日終於黎呢間Howe Cafe 試下，不過電梯大堂環境真係非常差。仲以為自己行錯路！見佢觀塘到處都有宣傳，居然自己大廈無指示！-_-#上到黎店內環境非常好！夠大又光猛，雖然係傢私店cafe , 不過完全唔會覺得污槽！超級鍾意佢地既傢具，當然價錢不非喇！講到正題，食物方面我叫左大蝦墨西哥捲。賣想都幾好架！見到隻大蝦都覺得好得，不過食第一啖就覺得中伏！只係用千島醬，已經好無誠意！仲要醬汁一直滴，係水點咁滴！只可以話未試過食tortillas 咁juicy 囉！相信係入面既生菜洗完未滴好水就包！好失望 +_+飲品要左杯凍榛子咖啡，其實唔差！只係上面既whipped cream 好似溶咁半咁！其實環境配套咁好，點解食物唔俾多少少誠意呢？好大可能，佢地target 係賣傢私，cafe 只係gimmick! 如果，係觀塘想飲下野舒服坐下！誠意推介，不過lunch 就not for me !