韓珍 (帝國中心) (已結業)

今晚去左間喺尖東既韓國餐廳食野，店內員工主要都係用英文同食客溝通的。店員就介紹我地食2人餐，會抵食啲，我地見啲野都岩食所以order左。轉過頭就拎左好多小碟同菜比我地，醃製既開胃菜都唔錯。韓式桃汁，少量果肉，唔算好甜。牛油果生果沙津，牛油果偏熟所以夠香，如果少啲沙津醬會更好。燒肉拼盤，有五花腩、豬肩肉同牛肋骨。全程都有侍應幫我地燒，唔洗我地郁手。牛舌，切得有少少厚度，食起黎有啲咬口。牛胸肉大醬湯，個湯幾濃，倒個飯落去撈埋食又唔錯！五花腩燒完好爽口，建議用菜夾埋黎食無咁油。豬肩肉就相對地腍，夠肉味。牛肋骨，上左醬汁，醃過非常入味！最後仲有杯雪糕。