圓香

營業中

休息中

今日黎試呢間餐廳嘅無骨水門雞油飯。60蚊。先講雞，得4、5件細嘅（包雞翼尖，d雞肉仲要好硬，堅難咬。雞翼同雞翼尖有骨都正常，但有一件雞個骨都冇處理走😂我有請問店員d雞好少，可唔可以調整下，佢答我呢個係例牌，你叫半只咪多d。我個人係唔滿意呢個答覆同態度嘅。比多我一次揀，我會去葵涌街市嗰間泰國野買40蚊嘅海南雞飯，便咁多，雞嘅份量仲多d。D油飯就唔點香，不過份量就好多😃，應該叫少飯的。仲叫左黑糖仙草芋圓，d芋圓真係唔掂，味道同口感都一言難盡。評價：街坊志在坐唔在食嘅話，不錯嘅選擇，環境夠靜。