大師兄小廚 (溢財中心)

營業中

休息中

從開張到而家服務態度都係好一般，都俾咗好幾次機會佢，始終係改唔到。呢間餐廳啲呀姐叫人搭枱叫上癮，明明大把位，叫我搭去張兩人枱，佢張兩人枱鬼死咁細，即係叫我同對面呀叔兜口兜面親密食飯。河粉賣晒一句得埋嚟：河粉賣晒，冇！跟住轉身就走咗去😳嘩，使唔使咁呀，一啲都唔客氣。仲有佢入面近水吧位勁重油煙味，食完返到屋企都係成身味，屋企人問我去咗邊度🤦🏻‍♂️佢啲嘢食係唔差嘅，但咁嘅環境同服務，唔值得再俾機會，觀塘大把茶餐廳唔係得你一間，寧願行遠少少唔洗受氣坐得舒舒服服。