茴香 (已結業)

我都知係食fusion 菜，但我感覺唔係西泰fusion，係不倫fusion 不類俾IG廣告呃左去食。。環境，衛生，服務完全無問題嘅去重點食物-芒果沙冰唔係天然嘅甜味，個人認為係慳皮唔落咁多芒果打蓉，落啲芒果糖水蒙混過關，仲加左啲廉價嘅芒果爆珠，絕對唔合格，我建議你地去其他泰國餐廳參考下-泰式生蝦蝦嘅質素無特別，唔係特別新鮮，亦無霉味，用杯裝住無問題，問題出左喺個汁度，個汁係綠色，偏甜，有少少似藥水，堅係難食，唔係正常生蝦嘅汁，應該係廚師特別調過，但食落口個味好怪，完全唔襯個蝦-蕉葉森巴醬燒比目魚IG 寫銀鱈魚，Menu寫比目魚，最後張單又寫銀鱈魚，我好亂吖，你地搞清楚未？都唔緊要，味道係一切份量少得有啲過份，得兩小魚塊，又扁，應該係比目魚，轉用平野仲要咁少份量，會唔會過份左？面頭係查左啲醬，但個醬唔夠味，仲有，剩係喺表面，個魚入面係無味。。可能無醃過-龍蝦尾冬蔭功risotto 呢個係唯一我覺得合格嘅dish，啲飯生熟程度啱啱好，冬蔭功味都恰到好處，唔會太搶，龍蝦尾幾新鮮，彈牙我俾8分總結，希望餐廳俾多啲心思係味道方面，知道香港經營飲食艱難，加油