5
7
9
等級2
24
0
2021-12-20 198 瀏覽
適逢免費搭大部分公共交通工具,咁就由新界出市區行下。夜晚,度度都咁多人,又唔想食太貴,就入左新港諗住食Foodcourt。點知真係太多人,見到呢間入面有啲位又冇人等位,就同老公兩個入去啦。一諗住行入去,就俾門口點餐位小姐好大聲話"要買左嘢食先入座喎"。咁我同老公就出返黎,但老公已經有啲嬲,叫我入去坐住先,佢去買嘢食。咁我膽戰心驚咁好似偷嘢咁入去坐,又俾人喝住"小姐! 你買左嘢食未架?!" 我話我老公買緊呀。佢啤左我一下,好似奈我唔何咁由我坐低。然後一路坐,我都好驚又再有人黎鬧我… 好彩老公好返買完返黎 (想同返staff講,我地真係有買兩份嘢食,唔係黎呃你個位坐!!)講返食物,咁平心而論,食物係唔錯。可能係態度太差,到食返嘢時覺得有驚喜。米芝蓮海南雞飯,見到出餐不斷出,應該好出名,雞都唔錯,幾滑。但個湯定汁,超級鹹,但唔掂佢又冇乜所謂嘅。炒金邊粉,賣相好靚有個"蛋網",心機嘢 份量夠,味道唔錯,係我鍾意嘅酸酸甜甜。咁Fair啲講,喺海港城同新港呢個area,呢個價錢呢個質素算好唔錯了 (唔駛加1,因為冇服務)。如果下次Foodcourt 都係冇位,我都會再考慮入黎嘅。
更多
適逢免費搭大部分公共交通工具,咁就由新界出市區行下。

夜晚,度度都咁多人,又唔想食太貴,就入左新港諗住食Foodcourt。點知真係太多人,見到呢間入面有啲位又冇人等位,就同老公兩個入去啦。

一諗住行入去,就俾門口點餐位小姐好大聲話"要買左嘢食先入座喎"。咁我同老公就出返黎,但老公已經有啲嬲,叫我入去坐住先,佢去買嘢食。咁我膽戰心驚咁好似偷嘢咁入去坐,又俾人喝住"小姐! 你買左嘢食未架?!" 我話我老公買緊呀。佢啤左我一下,好似奈我唔何咁由我坐低。然後一路坐,我都好驚又再有人黎鬧我…


好彩老公好返買完返黎 (想同返staff講,我地真係有買兩份嘢食,唔係黎呃你個位坐!!
)

講返食物,咁平心而論,食物係唔錯。可能係態度太差,到食返嘢時覺得有驚喜。

米芝蓮海南雞飯,見到出餐不斷出,應該好出名,雞都唔錯,幾滑。但個湯定汁,超級鹹,但唔掂佢又冇乜所謂嘅。

米芝蓮海南雞飯加汽水
$73
24 瀏覽
0 讚好
0 留言


炒金邊粉,賣相好靚
有個"蛋網",心機嘢
份量夠,味道唔錯,係我鍾意嘅酸酸甜甜。

炒金邊粉
$68
41 瀏覽
0 讚好
0 留言


46 瀏覽
1 讚好
0 留言


咁Fair啲講,喺海港城同新港呢個area,呢個價錢呢個質素算好唔錯了 (唔駛加1,因為冇服務)。如果下次Foodcourt 都係冇位,我都會再考慮入黎嘅。
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐途徑
堂食
推介美食
米芝蓮海南雞飯加汽水
$ 73
炒金邊粉
$ 68