影片
更多
2013-03-25
95 瀏覽
我同女朋友平時鍾意去食翡翠拉麵小籠包(就係隔離商場)，但係因為未食過，就諗住試下霞飛。我地好早去，差唔多六點鐘，所以唔洗等位。一坐低就發覺佢比左廚房門口個位我地，係非一般的嘈。我問待應呢個位好嘈，可唔可以坐第二度，佢竟然提議我出翻去、囉飛重新排隊！唔可以換位唔緊要，但係唔洗叫我出去呀？一句 "唔好意思，無其它二人台" 有幾難？我地睇餐牌想叫冷盤，見到"是日冷盤"，就想話問個待應即係咩野，佢竟然話係門口有叫我出門口睇，我好愕然咁 "下" 左一聲，佢就話有木耳，咁我同女友都正好鍾意食木耳，就問佢係點整法，佢答我 "涼拌囉" .... 我就話，咁涼拌都有好多種架喎，佢先話 "有d酒咁喇"，我都費是同佢講，就繼續 order。之後個待應全程黑面我地仲叫左凍魚、牛肉餅同南瓜湯浸苗牙菜。個木耳係有醋、酒同些少辣椒，味道一般，唔夠酸亦唔夠味。個凍魚好好食，如果我再去會再點黎食。個牛肉餅就好一般，而且煎得好油。個菜幾好食，賣相都幾靚。食完想點個甜品，就叫左豆沙窩餅，追左兩次先到。老實講，都幾後悔叫左個窩餅，豆沙無乜，餅皮就幾層厚，所以又唔好食又油膩。印像中做得好既豆沙窩餅係好簿身，中間夾少少豆沙，而且
我問待應呢個位好嘈，可唔可以坐第二度，佢竟然提議我出翻去、囉飛重新排隊！唔可以換位唔緊要，但係唔洗叫我出去呀？一句 "唔好意思，無其它二人台" 有幾難？
我地睇餐牌想叫冷盤，見到"是日冷盤"，就想話問個待應即係咩野，佢竟然話係門口有叫我出門口睇，我好愕然咁 "下" 左一聲，佢就話有木耳，咁我同女友都正好鍾意食木耳，就問佢係點整法，佢答我 "涼拌囉" .... 我就話，咁涼拌都有好多種架喎，佢先話 "有d酒咁喇"，我都費是同佢講，就繼續 order。之後個待應全程黑面
我地仲叫左凍魚、牛肉餅同南瓜湯浸苗牙菜。個木耳係有醋、酒同些少辣椒，味道一般，唔夠酸亦唔夠味。個凍魚好好食，如果我再去會再點黎食。個牛肉餅就好一般，而且煎得好油。個菜幾好食，賣相都幾靚。
食完想點個甜品，就叫左豆沙窩餅，追左兩次先到。老實講，都幾後悔叫左個窩餅，豆沙無乜，餅皮就幾層厚，所以又唔好食又油膩。印像中做得好既豆沙窩餅係好簿身，中間夾少少豆沙，而且餅皮較乾身唔好多油到軟晒咁先好食。
整體黎講食物係ok，我都會有興趣去多次試埋佢其它菜式，可惜服務實在差到離晒大譜，我同女友都唔會再去，食完一肚氣，為乜？
賣單我忍唔住同個經理講佢地服務好差，我亦照實同佢講佢地食物係好食 ，但係佢所有食物都貴過翡翠拉麵小籠包，服務又要差過人地咁多，人地舖租仲要貴過佢 (酒店樓下商場 vs 屋苑商場)，真係好難令到我們再翻黎食。
最後佢 free 左個豆沙窩餅比我。可能係個別員工質素差掛，但係大前提係，行過對面商場，大把好食過佢、平過佢而且服務又好過佢既餐廳，我真係諗唔到咩理由要幫襯佢。
我同女朋友而家見到霞飛兩個字都掉頭走。兩個人食二百幾就黎三百蚊，仲要睇待應對你黑面？No thanks!
題外話/補充資料：
裝修幾靚，廚房位好嘈，不過其它卡位等等應該會好好多。
一個人要食百幾蚊既餐廳，仲用膠碗膠碟..... 感覺唔好
(以上食評乃用戶個人意見 , 並不代表OpenRice之觀點。)
張貼