影片
更多
2020-11-27
340 瀏覽
話說放寬左限聚令之後，總算可以約埋班好姊妹出嚟食下好西👭🏻👭🏻！其中一位推介依間餐廳俾小肥妹，佢話依度啲pizza好正好好食喎🤤，上網見到大部分人都會揀露台位坐，可以對住大館影相打卡，不過其實室內位都好有格調好chill㗎🍸• Piccante🍕 $168 ( weekday set lunch )首先上咗個沙律先，沙律最緊要啲菜夠新鮮，可以自行加黑醋同橄欖油調味🥣。主角pizza以番茄醬、Mozzarella芝士同辣肉腸作出簡單而經典既配搭，屬於大路既口味😋，手搓麵團令佢地既餅底煙煙韌韌，越咀嚼越有麵粉香，仲帶有一陣炭烤焦香，邊位焗到漲卜卜有空氣感，食多幾塊都唔覺飽滯，不過佢哋個蕃茄醬汁就稀左啲，令到最底部會有少少濕😟。甜品方面係Mini Tiramisu，口感超Creamy，聽講正價$118既正常size版只不過係大佢少少，可想而知依個set係幾咁抵食😚• Crudo🥓 $188用上18個月既prama ham，除左mozzarella芝士之外，面頭仲灑上左一款叫Grana Padano既芝士碎，令到成個pizza充滿鹹香🤤，原本小肥妹係好唔鐘意食火箭菜，不過佢又唔會有浸苦澀味，所
• Piccante🍕 $168 ( weekday set lunch )
首先上咗個沙律先，沙律最緊要啲菜夠新鮮，可以自行加黑醋同橄欖油調味🥣。主角pizza以番茄醬、Mozzarella芝士同辣肉腸作出簡單而經典既配搭，屬於大路既口味😋，手搓麵團令佢地既餅底煙煙韌韌，越咀嚼越有麵粉香，仲帶有一陣炭烤焦香，邊位焗到漲卜卜有空氣感，食多幾塊都唔覺飽滯，不過佢哋個蕃茄醬汁就稀左啲，令到最底部會有少少濕😟。甜品方面係Mini Tiramisu，口感超Creamy，聽講正價$118既正常size版只不過係大佢少少，可想而知依個set係幾咁抵食😚
• Crudo🥓 $188
用上18個月既prama ham，除左mozzarella芝士之外，面頭仲灑上左一款叫Grana Padano既芝士碎，令到成個pizza充滿鹹香🤤，原本小肥妹係好唔鐘意食火箭菜，不過佢又唔會有浸苦澀味，所以都好ok！真心好鍾意成個配搭🥰，想再香啲可以問staff拎埋個辣油，加埋小小辣又係另一番風味😚，食過依種正宗既拿坡里pizza，你就會知道以前食開嗰啲咩pizza hxt呀pxd嗰啲根本係垃圾bullshitt🤣
依度既pizza真心好好食，不過啲staff一直企喺隔離望住我地，好似想我地快啲走咁😣，當時冇人等緊位，去得依啲環境既餐廳都會想慢慢坐傾下計聚下舊，咁樣真係會有啲壓力😟
張貼
