尚鮮海鮮料理 (已結業)

聽朋友介紹鎖定左尚鮮。咁岩發現做緊生日優惠，拿拿林訂座登記埋會員。設計好新奇，餐廳有五，六個卡座， 更設有私家電視， 夠曬貼心。 居然仲有獨立嘅vip房。川貝海底椰燉鱷魚扒湯，夠曬滋補， 除咗鱷魚扒湯料仲有半隻雞，勁多嘅排骨， 店員推介先飲一，兩碗湯，因為全無味精， 純粹係汤料嘅味道。 果然飲落順喉清甜， 平時缺乏自家湯水 所以我哋每人都飲咗兩三碗。百花釀油條，蝦膠釀油炸鬼🤤蝦膠彈牙，仲有蝦粒增強咬口，油炸鬼炸得脆卜卜，上碟前已索好多餘油份，唔會油冧冧。浸湯食定就咁食都一樣好味，仲有另跟一個酸辣醬可以點嚟食。總體上食物都唔錯。