山旮旯 (已結業)

「山旮旯」的確冇改錯名🙈餐廳雖然位於銅鑼灣，但相信不少人經過都未必會注意得到，但食過一次相信幾遠都會再黎多次😋餐廳食物都幾多元化，有豬手、燒烤串燒、炸物等等，甜品名都改得幾有心思，想帶出本地的味道－－－－－－菜式1. 牛油果沙律配煙三文魚 4/52. 炸薯條配黑松露醬和千島醬 4/53. 海鮮意大利飯配煎帶子 4.5/5👍🏻4. 泰式拼盤3.8/5上菜速度好快，落單冇耐，已經有食物送上，牛油果份量比想像既多，切好一塊塊鋪滿係碗底，等客人自行去拌勻🤤薯條大條香脆，味道唔會過咸，而且黑松露醬同千島醬都不吝嗇比一大碟👍🏻海鮮意大利飯有拉絲既效果🥰除左主要既帶子之外，配料亦有很多，飯煮得剛剛好，唔會太硬，帶子亦煎到金黄色，總體而言真係不錯～反而泰式拼盤有點遜色，蝦餅炸完後放置左一段時間，唔太脆同埋有點油，雞翼同樣都有類似情況，但串燒好食，有肉味同埋唔乾身，沾埋沙嗲汁食，想叫多幾串🤤