順酸辣粉

營業中

休息中

係虹橋發現咗一間叫「順酸辣粉」嘅餐廳，本身以為淨係食川菜，但原來佢都有好多唔同種類嘅嘢食選擇。惹味豬頸肉（原味 / 懷舊甘梅)兩款豬頸肉都好有驚喜。原味嘅好香，肉質鮮嫩；而懷舊甘梅味就更加特別，甘梅嘅酸甜帶出豬肉嘅鮮味，非常開胃。手撕雞: 雞肉爽口，調味得宜，入口即化，非常適合夏天食用。麻辣多寶: 有魚蛋、牛柏葉、水魷魚同豬皮，每樣配料都吸足咗湯料嘅精華，辣而不燥，過癮！滷水拼盤: 滷得入味，豬耳耳、豬肚、雞腎嘅口感各有千秋，特別推介豬肚，Q彈得嚟不失嫩滑。四川涼麵: 涼麵夠勁，醬汁香辣，面條彈牙，夏天食真係正！麻辣湯薯粉: 粉條滑溜，湯頭麻辣醇厚，每一啖都令人回味無窮。嘢飲: 洛神花乳酸:酸酸甜甜，解辣又消暑，好適合配辣嘢食。金桂椰香:桂花香氣加上椰奶嘅滑潤，飲落幾特別。