The Grill Room (The Humphreys)

營業中

休息中

之前在銅鑼灣分店食過午餐，印象不錯，今晚就來尖沙咀分店食個晚餐。尖沙咀分店裝修比較典雅高級，燈光昏暗較有情調。我們安排坐吧枱，可以欣賞到廚師們的功架。餐牌選擇不算多，一張餐紙已經睇盡，有晚餐可選亦比較抵食，但我們最後都選擇散叫。先來前菜，特色主題燒舌拿魚車里茄杏仁片沙律，份量比想像中大，不是一碟，是一盤。吞拿魚的表面燒得微焦，但內裡仍然保持柔軟，配上新鮮的沙律菜，杏仁片及車里茄，混入酸酸的意大利醋，很開胃。小食是忌廉蒜牛油雜菌，用上牛油同蒜一齊炒，好香，配上法包一齊食更好味。主菜-香草鮮蠔芥末忌廉汁扁意粉，蠔同意粉的配撘幾特別，鮮蠔煮完仍然肥美肉厚，每條扁意粉都掛上濃濃的芥末忌廉汁，這道菜記得要襯熱食才好食。餐廳主打炭燒牛扒，但我們不吃牛肉，所以點了一個燒澳洲有骨豬扒配香茅芥末籽忌廉汁，擺盤精美，厚厚的有骨豬扒，燒得剛好，廚師們亦會細心切好上枱，內裡仍有點粉嫩，連配角燒薯仔都好好味今晚晚餐真係又Gill又Chill了。