翡翠拉麵小籠包 (已搬遷) 新店位置

每月一聚，揀左位處世貿的翡翠拉麵小籠包，五個人坐係近門口玻璃窗的枱，頗舒服，又可高談闊論，唔怕騷擾其他人。由於眾人都係細食之人，故揀選了多款冷盤小食及輕盈菜式。雞絲粉皮 ($52)幼滑粉皮，混合清爽青瓜絲及勁香勁滑花生醬，再灑上芝麻，夠凍夠香，吃到停不了口﹗ 醉豬手($56)小妹唔喜歡食外層肥肥有毛的豬皮，只吃內層膠質及瘦肉部份，故當日無食到厚皮醉豬手，但嗅到醋味酒味頗濃郁。朋友話豬手皮爽彈牙、筋脆口，雖較肥膩，但骨膠豐富喎﹗鮮淮山伴溫室小青瓜($46)小巧的冷盤小食，淮山質感爽脆，小青瓜清甜爽口，再加上酸溜溜的醋，凍冷冷又醒神開胃。不過，淮山份量偏少。鎮江肴肉 ($56)一上枱，吓，點解咁樣？鬆鬆散散，。一吃，既無口感可言，好鬼嚡，且又唔好味。簡直係失敗之作﹗雪菜鹹肉炒年糕($68)好好味﹗煙煙韌韌的年糕，以雪菜鹹肉黎炒，入味而不會太油膩。白裏帶紅綠的賣相頗吸引人。 上海生煎包($30)生煎包唔夠熱，包底又唔夠香脆，豬肉餡較乾、無咩豬肉鮮味。上海小籠包($34)不太夠熱，皮薄，然豬肉餡唔夠juicy鮮甜惹味，肉汁較少較淡，略為失色﹗豆瓣莧菜($56)豆瓣是指蠶豆，以蒜片爆香蠶豆，加入