影片
更多
2019-08-10
361 瀏覽
今日嚟到慈雲山落咗巴士有啲肚餓就搵間餐廳食啦，見到呢間好似係新開個喎，男朋友話不如試吓咁就即管試吓啦。同個名一樣呢間係專賣雲吞嘅，現場都唔少人排隊嘅，見到有一部份人係會選擇拎走食。我哋就叫咗兩份我冇咁肚餓啦就叫咗10隻雲吞（小棠菜），男朋友比較肚餓就叫左20隻紫菜雲吞（韭菜），另外再叫多一份手撕雞同埋每人一杯嘢飲。間餐廳其實有好幾個位都安排得唔係幾好嘅需要喺呢度先講，第一收銀員就速度有待改善，我哋叫嘢飲其實係可以自己攞嘅不過後尾我哋發現收銀員冇睇到我哋比完錢就可以喺隔離自己攞。再者，我哋叫嘅都係啲佢主打嘅食物份量唔係特別多但係我哋都等左10分鐘先有得攞。第三，鋪頭雖然係光猛算係乾淨但係有好多貨擺咗喺店面令到空間感大大減低，而且見佢有埋一啲調味醬之類嘅都因為啲貨隔開咗令到冇人會有興趣去睇，有啲可惜。第四，男朋友想加啲辣椒但係唔肯定就去搵咗一位侍應了解，但係三四個侍應好似都唔熟悉究竟調味醬應該係點樣俾啲客人，例如係啲客可以自己攞一份抑或要喺公共位置到落呢。咁講返食物啦，啲雲吞雖然係小但係味道都唔錯個紫菜湯同清湯飲落都唔似係落咗味精嗰啲越飲越口渴所以大家都可以飲下。以女仔唔太肚餓嘅時候食10
同個名一樣呢間係專賣雲吞嘅，現場都唔少人排隊嘅，見到有一部份人係會選擇拎走食。我哋就叫咗兩份我冇咁肚餓啦就叫咗10隻雲吞（小棠菜），男朋友比較肚餓就叫左20隻紫菜雲吞（韭菜），另外再叫多一份手撕雞同埋每人一杯嘢飲。
間餐廳其實有好幾個位都安排得唔係幾好嘅需要喺呢度先講，第一收銀員就速度有待改善，我哋叫嘢飲其實係可以自己攞嘅不過後尾我哋發現收銀員冇睇到我哋比完錢就可以喺隔離自己攞。
再者，我哋叫嘅都係啲佢主打嘅食物份量唔係特別多但係我哋都等左10分鐘先有得攞。
第三，鋪頭雖然係光猛算係乾淨但係有好多貨擺咗喺店面令到空間感大大減低，而且見佢有埋一啲調味醬之類嘅都因為啲貨隔開咗令到冇人會有興趣去睇，有啲可惜。
第四，男朋友想加啲辣椒但係唔肯定就去搵咗一位侍應了解，但係三四個侍應好似都唔熟悉究竟調味醬應該係點樣俾啲客人，例如係啲客可以自己攞一份抑或要喺公共位置到落呢。
咁講返食物啦，啲雲吞雖然係小但係味道都唔錯個紫菜湯同清湯飲落都唔似係落咗味精嗰啲越飲越口渴所以大家都可以飲下。以女仔唔太肚餓嘅時候食10隻同男仔唔太肚餓嘅話去食20隻係夠。另外，手撕雞份量都足，味道唔錯會睇到雞腳骨嘅皮同膠亦都有留低鍾意食嘅人就有福啦。
最後，兩杯嘢飲就相對失色啲，因為個味道唔太明顯，雖然係唔同嘅茶但係飲落好似同一杯咁樣，解渴嘅話就可以，當特飲來講就唔好啦。
其實，間餐廳有潛質。因為最主要嘅食物係唔錯，但係見一班店員年紀非常年輕有啲似中學生，經驗唔夠例如反應都唔夠快同熟手，出菜速度欠缺加上店面冇打理得咁好，喺慈雲山呢度都冇太多人介意嘅但係要在做大啲就需要係呢啲細緻位裏面做好佢。
張貼
