小男孩 (已結業)

今日同舊同事去食晏，三個點了三份 set lunch。兩個叫了磨菇忌廉湯 + 大蝦意大利飯，另一個就叫了三文魚沙律 + 炸龍脷柳粟米汁。個湯好好味，好香o既磨菇味，個大蝦意大利飯我覺得咸咗啲，但朋友話ok，另外個朋友話佢個沙律同炸龍脷柳都可以。仲有甜品送，係朱古力 mousse cake，啲侍應見到邊枱差唔多食完就自己擺底甜品，到我食完我個飯，見到佢哋出pancake 比人，我就問可唔可以換，點知個男人婆侍應話無得換，我話佢哋無問我食乜甜品就放底，個男人婆話無得揀，佢哋出乜就比乜我哋喎.... 佢啲態度真係好差 ... 搞到成餐飯原可以比好高分 o既都要扣返分呀.....