Three Blind Mice (已結業)

喜歡呢間餐廳主要有三個原因第一，食物水準對得住個價錢。百幾蚊喺灣仔區食個lunch算中等價錢，但係食物嘅質素呢間餐廳就幾好，而且鍾意佢個餐牌幾乎三兩個禮拜就換一次，所以而家相中嘅餐牌只可以作參考。特別要題，如果餐入面有薯條記住叫呀!!因為佢個薯條係粗嗰種，有兩隻食指咁粗，而且新鮮炸出嚟，感覺唔會太油，亦都唔會差得太淋。第二，就係環境都幾清幽，而且有得book位。餐廳有兩層，地下同埋上層都試過坐。相中係上層嘅環境：冬天去到感覺好好，因為有冬日嘅太陽，暖暖的，而且播住輕音樂，同同事或者朋友食個便飯 ，感覺幾好。最後，就係餐廳大多數係外國嘅男侍應生， 所以點餐時候就要準備用英文。雖然唔太清楚佢哋嘅國籍 ，但係個個都幾睇得，係bonus