麻布茶房 (已結業)

昨晚同男友食飯，點左個咖哩牛肉蛋包飯，蛋奄列烏龍面，同埋小食鰻魚玉子卷，真係唔知點解會點全部同蛋有關的食物，反正就係想食，先講咖哩牛肉蛋包飯(因為黎先)，味道ok，一食就知係日本咖哩的特色，牛肉質感剛剛好，不會太諗，之後送到黎係小食鰻魚玉子卷，其實係玉子做外層，包著裡面的鰻魚，玉子外層有燒汁，賣相吸引，但味道就一般，同出面的鰻魚味一樣，(都係覺得板前的鰻魚好好味)，之後輪到蛋奄列烏龍面，其實等左好耐先有得食lee個，初頭以為miss左，之後同個四眼的女侍應講返，個女侍應話幫我跟，之後都等左成2個字，都未送黎，再同返剛才的女侍應講，原來佢真係miss左，但一句唔好意思都冇講，但好彩我心情好，冇耐要等的食物就送到，不過lee個女侍應的服務態度真係唔得。個蛋奄列烏龍面真係好好味，佢的外層有好厚的木魚乾鋪係面，木魚乾下面係一層沙拉醬，之後就係蛋奄列，裡面係烏龍面，見到已經流晒口水啦~一食落去，真係好味到唔知點形容，這款食物極力推薦比大家，等咁耐都值得，整體上算唔錯。