54
9
1
等級2
10
0
食物好味，服務態度好
2021-01-20 1018 瀏覽
下午兩點到，仲未截單。因為全英文餐牌，有啲地道英文菜式，個腦真點kick kick哋。但靚女侍應好好，主動過嚟介紹菜式，仲好細心咁問我哋嘅口味再作介紹！服務態度100分！最後係佢建議下叫咗三個菜。第一道係devilled shrimp: 呢個醬比較辣，蝦好爽口，雖然辣但食得出佢哋有先調好蝦基底味。好好味！超級開胃！第二道係chicken kari+pol roti: 呢個斯里蘭卡嘅咖喱香料冇印度重，同埋，冇咁辣，可以同第一道餸攞返個平衡。雞肉用雞髀肉，好滑。不過食到有輕輕雪味，冇諗住佢會用新鮮雞所以其實已經好合格！仲有，薄餅兩塊，煎到脆面，好有飽腹感。第三道係hopper with kari hodi: 呢個好有特色，推介一試！佢外貌係一個蛋白兜，已經好可愛。裡面紅卜卜配菜有少少辣少少鹹少少椰絲甜。真係口感爆發。出面生洋蔥辣椒醬，點同唔點兩個感覺！但都好好食！最後，我哋食到最後幾啖好辣又飲晒啲水，佢哋都立即幫我哋加水。仲有個侍應過嚟問我哋意見，仲笑我哋食斯里蘭卡嘢就係要辣㗎啦！very funny!
更多
下午兩點到，仲未截單。因為全英文餐牌，有啲地道英文菜式，個腦真點kick kick哋。
但靚女侍應好好，主動過嚟介紹菜式，仲好細心咁問我哋嘅口味再作介紹！服務態度100分！
最後係佢建議下叫咗三個菜。
25 瀏覽
0 讚好
0 留言
第一道係devilled shrimp: 呢個醬比較辣，蝦好爽口，雖然辣但食得出佢哋有先調好蝦基底味。好好味！超級開胃！
13 瀏覽
0 讚好
0 留言
第二道係chicken kari+pol roti: 呢個斯里蘭卡嘅咖喱香料冇印度重，同埋，冇咁辣，可以同第一道餸攞返個平衡。雞肉用雞髀肉，好滑。不過食到有輕輕雪味，冇諗住佢會用新鮮雞
所以其實已經好合格！仲有，薄餅兩塊，煎到脆面，好有飽腹感。
23 瀏覽
0 讚好
0 留言
第三道係hopper with kari hodi: 呢個好有特色，推介一試！佢外貌係一個蛋白兜，已經好可愛。裡面紅卜卜配菜有少少辣少少鹹少少椰絲甜。真係口感爆發。出面生洋蔥辣椒醬，點同唔點兩個感覺！但都好好食！
最後，我哋食到最後幾啖好辣又飲晒啲水，佢哋都立即幫我哋加水。仲有個侍應過嚟問我哋意見，仲笑我哋食斯里蘭卡嘢就係要辣㗎啦！
very funny!



(以上食評乃用戶個人意見 , 並不代表OpenRice之觀點。)
  • 推介
    已推介
  • 檢舉
張貼
評分
味道
環境
服務
衛生
抵食
用餐日期
2021-01-20
用餐途徑
堂食
人均消費
$200 (午餐)