California Pizza Kitchen (已結業)

今日去咗CPK食下午茶當係午餐。今日叫咗兩個下午茶，一個係「墨西哥雞肉菠菜麵」，另一個係「脆脆烤雞沙律」。「墨西哥雞肉菠菜麵」十分好味多汁。雞肉同菠菜麵都十分之軟熟，入口夠香。但食入口我覺得煮麵既時候應該加咗好全脂奶或者忌廉，所以雖然好食，但係脂肪含量應該唔低。「脆脆烤雞沙律」選料十分新鮮，蔬菜有一種天然既鮮甜味，烤雞肉少油得嚟亦十分滑。蔬菜同烤雞肉配搭得天衣無縫。至於脆脆，分量唔多，但可以帶起沙律味道，可惜始終係油炸。我問過餐廳經理，佢話客人可以要求走沙律醬。怕肥的話可以走沙律醬同唔食d脆脆，因為蔬菜新鮮，就咁食一樣好好食。