影片
更多
2020-11-28
742 瀏覽
嘢食幾好食，有創意，會送餐包同埋羅宋湯，羅宋湯好足料，但啲員工真係麻麻。尤其一個女侍應，返工成日都喺度玩，又跳晒舞喺度in, 又玩大聲公。一入到去，一個人都冇，呢個女侍應叫我哋坐喺近牆嗰邊，但我哋話想坐窗口嗰邊，佢有啲反白眼，跟住就走咗唔理我哋，有第二個是影繼續serve我哋，都算，少事。跟住成日喺度玩，極度唔專業。到我哋差唔多食完（其實我哋仲未食完，只不過已經放慢晒）佢以為我哋食完，佢就用個大聲公向住我哋大嗌，話食完野嘅顧客要戴口罩，但嗰刻我個嘴仲郁緊喎，你要我帶返口罩都算啦，有冇必要要用個大聲公來講呢？識唔識咩叫尊重呢？你覺得有需要你咪行過嚟講囉，使唔使用大聲公等全間餐廳嘅人都聽到呢？ 同埋其實我哋覺得佢只係想拎個大聲公來玩，呢個先係用大聲公嘅重點，佢根本全程都喺度玩緊。再講返上一次我哋帶埋BB嚟，我哋嚟到，問佢有冇BB櫈，佢態度好不屑咁話：我哋啲BB櫈抌晒啦，冇BB櫈㗎喇。感覺係佢好唔自在，你哋鍾意食咪食，唔鍾意食就走囉，咁我哋最後係走嘅，佢係態度係完全係冇所謂，你哋走就走咁款。呢個女侍應真係幫間餐廳倒米啊，如果個老細係重視間餐廳嘅生意，唔該炒咗個女仔啦，侍應一啲都唔專業，好似請
尤其一個女侍應，返工成日都喺度玩，又跳晒舞喺度in, 又玩大聲公。
一入到去，一個人都冇，呢個女侍應叫我哋坐喺近牆嗰邊，但我哋話想坐窗口嗰邊，佢有啲反白眼，跟住就走咗唔理我哋，有第二個是影繼續serve我哋，都算，少事。
跟住成日喺度玩，極度唔專業。
到我哋差唔多食完（其實我哋仲未食完，只不過已經放慢晒）佢以為我哋食完，佢就用個大聲公向住我哋大嗌，話食完野嘅顧客要戴口罩，但嗰刻我個嘴仲郁緊喎，你要我帶返口罩都算啦，有冇必要要用個大聲公來講呢？識唔識咩叫尊重呢？你覺得有需要你咪行過嚟講囉，使唔使用大聲公等全間餐廳嘅人都聽到呢？
同埋其實我哋覺得佢只係想拎個大聲公來玩，呢個先係用大聲公嘅重點，佢根本全程都喺度玩緊。
再講返上一次我哋帶埋BB嚟，我哋嚟到，問佢有冇BB櫈，佢態度好不屑咁話：我哋啲BB櫈抌晒啦，冇BB櫈㗎喇。
感覺係佢好唔自在，你哋鍾意食咪食，唔鍾意食就走囉，咁我哋最後係走嘅，佢係態度係完全係冇所謂，你哋走就走咁款。
呢個女侍應真係幫間餐廳倒米啊，如果個老細係重視間餐廳嘅生意，唔該炒咗個女仔啦，侍應一啲都唔專業，好似請返來玩咁
張貼