法老王 (已結業)

本身想食巴東菜，但搵極都搵唔到。然後經過呢間法老王餐廳，見同巴東菜式差唔多，就入咗去試呢間埃及菜。一坐低，老闆娘就好好人咁細心介紹佢嘅菜式。然後叫咗一份芝士焗蘑菇（冇影到相)，同一份羊肉卷（唔記係叫咩名）羊肉卷幾出色👍🏻👍🏻本身都幾鍾意食羊，略嫌唔夠羊臊味。多汁，菜同肉唔會太多唔會太少，份量都幾啱啱好，但略嫌唔夠熱。芝士焗蘑菇個樣似冬菇唔似蘑菇，一口一件，雖然有俾醬料可以點黎食，但都係好似冇乜味道。烤魚開頭冇叫到，因為見價錢都幾貴，$168（好似係）但最後見老闆娘極力推介，話食完之後嘅客人都返轉頭問有冇魚食。所以就試吓。最後竟然最出色係呢條魚。如果去食一定要叫，真心唔錯👍🏻👍🏻👍🏻