法國鵝肝專門店

營業中

休息中

朋友一家係外國番嚟玩，其中一樣最想食嘅就係鵝肝。因為朋友有一個歲幾嘅小朋友，好多西餐廳都未必welcome，再加上小朋友有食物敏感，好多野都唔食得，所以都唔易搵合適又有質素嘅餐廳。搵左幾間，法國鵝肝專門店嘅回應最令人感到窩心。唔知係咪老闆聽電話呢🤭 佢好快就話可以留BB櫈俾我地，仲話可以特別為小朋友整個啱食嘅意粉，我就決定揀呢間。結果我好慶幸做啱呢個決定。小朋友好鍾意老闆為佢準備嘅茄汁肉肉意粉。而我地幾個大人叫咗唔同菜式，但大家都對每一道好滿意。melted cheese 好香、煎鴨肝外脆內軟、煙燻鵝肝嘅煙燻味啱啱好，唔會太搶，小青口嘅cream sauce 亦好好味。到咗甜品，我地大人嘅甜品上有藍苺裝飾，小朋友見到好想食，但因為甜品有蛋，小朋友食左會敏感，所係唔可以俾個d掂過蛋嘅藍苺佢。我哋冒昧地問餐廳可唔可以額外俾少少藍苺小朋友，佢地好爽快應承。小朋友即刻開心哂。食物好嘅餐廳或者有好多，食物好仲要有人情味嘅就真係唔多。其實我由以前法國鵝肝專門店嘅時候已經幫襯佢，佢搬左去灣仔之後少咗黎，但今次嘅經驗重新令我認識佢，擺佢係我嘅Top List。最後再次衷心多謝老闆同每一位server嘅