影片
更多
2011-09-19
19 瀏覽
呢一間星加坡開過嚟嘅餐廳，水準時高時低。新開張嘅時候去食，非常唔錯。之後再帶女朋友去食過兩次，差咗啲。最近朋友生日，喺嗰度開咗個party仔，結果又相當唔錯，係咁多次最好食嘅一次。麵包先嚟，有芝士包，提子包，煙肉包月baguette。我最鐘意食麵包，全部都要，全部都好食。我嘅頭盤係兩隻langoustine意式餃子。Langoustine煮得半生熟，入面加咗dill，嘩，好甜好甜，好食。青豆湯，上面有啲泡，而家都係興啲咁嘅嘢，ok啦。正餐條milk fed lamb chop，煎五成熟。好得，入口融化，唯一問題唔夠羊味，可能因為係乳羊嘅關係。甜品係心太軟，不過係Lemon tart版本，檸檬味好清香，蛋糕入面個lemon cream亦唔錯。全程都好。不過幾位經理服務有啲問題，好snobbish。上次都係咁。喂，千幾蚊一位，未計飲酒，高級餐廳喎，要humble啲嘛。
呢一間星加坡開過嚟嘅餐廳，水準時高時低。新開張嘅時候去食，非常唔錯。之後再帶女朋友去食過兩次，差咗啲。
最近朋友生日，喺嗰度開咗個party仔，結果又相當唔錯，係咁多次最好食嘅一次。
麵包先嚟，有芝士包，提子包，煙肉包月baguette。我最鐘意食麵包，全部都要，全部都好食。
我嘅頭盤係兩隻langoustine意式餃子。Langoustine煮得半生熟，入面加咗dill，嘩，好甜好甜，好食。
青豆湯，上面有啲泡，而家都係興啲咁嘅嘢，ok啦。
正餐條milk fed lamb chop，煎五成熟。好得，入口融化，唯一問題唔夠羊味，可能因為係乳羊嘅關係。
甜品係心太軟，不過係Lemon tart版本，檸檬味好清香，蛋糕入面個lemon cream亦唔錯。
全程都好。不過幾位經理服務有啲問題，好snobbish。上次都係咁。喂，千幾蚊一位，未計飲酒，高級餐廳喎，要humble啲嘛。
張貼