城中小閣 (已結業)

朋友退休返泰國，今日同佢食飯 farewell，佢揀食中菜同喺尖沙咀區，就揀咗呢間。以前都食過呢間餐廳，有點失望佢哋拆走晒啲卡位 😑 成晚餐廳都好似得 3 成客人，唔明點解要將啲客位擠埋一齊，其實可以間開小小等啲客有返啲空間!朋友嚟齊仲傾緊計 (太耐無見，又 3 個女人一個虛 🤣🤣) 個侍應小姐就不停問我哋落得單未，又叫我哋試吓啲湯。 。 。我哋梗係等主角發辦，佢唔想食湯但亞姐姐又不停 sell，我哋唯有叫一盅應酬佢，之後主角話要食豆腐同炒飯，再叫小小肉就傾咗一晚。個湯其實好味，3 個人 share 一盅都 ok。雞絲粉皮就唔得，完全唔夠醬撈勻啲粉皮，當然唔好食啦。紅燒花膠豆腐，豆腐可以，但花膠有一陣雪櫃味，可能佢哋煮定好多雪住，再加落其他餸到，但唔值呢個價 🤔石鍋黑椒無骨豬手，味道可以，亦比較濃味，但豬手唔算多。最出色係個脆米炒飯，材料好簡單亦唔值錢，但味道竟然好味，個脆米加咗唔少分。如果餐廳改善吓啲服務，呢度唔限時間，想簡單傾計食飯都係好選擇。